(100) یونٹ تک بجلی استعمال کرنے والے گھرانوں کو مفت بجلی فراہم کی جاۓ گی، وزیراعلیٰ پنجاب

وزیراعلیٰ پنجاب حمزہ شہباز نے پیر کو اعلان کیا ہے کہ ایک ماہ میں (100) یونٹ تک بجلی استعمال کرنے والے گھرانوں کی بجلی کی قیمت صوبائی حکومت برداشت کرے گی۔

لاہور میں پریس کانفرنس سے خطاب کرتے ہوئے وزیراعلیٰ نے کہا کہ 100 یونٹ تک بجلی استعمال کرنے والے صارفین کے یوٹیلیٹی اخراجات حکومت پنجاب برداشت کرے گی۔

وزیراعلیٰ نے یہ بھی کہا کہ حکومت ضرورت مند لوگوں کو سولر پینل فراہم کرے گی تاکہ وہ بجلی کے متبادل ذرائع پر منتقل ہوسکیں۔

وزیراعلیٰ حمزہ نے مزید کہا کہ آئی ایم ایف پروگرام جاری رہے گا اور بین الاقوامی ڈونرز آئیں گے، دوست ممالک پاکستان کی مدد کریں گے۔ انہوں نے یقین دلایا کہ معاشی صورتحال دوبارہ پٹری پر آجائے گی۔

پنجاب میں 17 جولائی کو ہونے والے ضمنی انتخابات کے حوالے سے بات کرتے ہوئے وزیراعلیٰ حمزہ نے کہا کہ ن لیگ سرفہرست آئے گی۔

وزیراعلیٰ حمزہ شہباز کی پی ٹی آئی کے عہدیدارکے گھر ڈیوٹی کے دوران فائرنگ سے شہید ہونے والے پولیس کانسٹیبل کمال احمد کی نماز جنازہ میں شرکت.

اپنا تبصرہ بھیجیں

11 − nine =